AS CITAS CELEBRARANSE MAÑÁ DÍA 2 EN PORTOMARÍN, O DÍA 4 EN SARRIA, O 7 EN TRIACASTELA E O 9 NO CEBREIRO
[01/09/2010] O ciclo "Camiños en danza" do Centro Coreográfico Galego chega ao seu fin este mes de setembro con catro presentacións nas localidades lucenses de Portomarín, Sarria, Triacastela e O Cebreiro, últimos destinos deste programa de difusión da danza actual galega mediante a escenificación de accións e improvisacións coreográficas a partir do espectáculo Etheria, a viaxe soñada. A Agadic (Axencia Galega das Industrias Culturais) e o Xacobeo 2010 colaboran nesta iniciativa que se vén desenvolvendo dende o pasado mes de xullo en emprazamentos ao aire libre e de tránsito público de localidades emprazadas nalgunha das rutas de peregrinación a Compostela.
O CONSELLEIRO DE CULTURA PRESENTA A MERCEDES SUÁREZ COMO NOVA DIRECTORA DO CCG, QUE BUSCA ESTENDER O SEU TRABALLO AOS DIFERENTES XÉNEROS NO ÁMBITO DA DANZA
[24/08/2010] O conselleiro de Cultura e Turismo, Roberto Varela Fariña, presentou hoxe a Mercedes Suárez como nova directora do Centro Coreográfico Galego (CCG), entidade que inicia unha nova etapa buscando estender a súa actividade aos diferentes xéneros dentro da danza, así como unha maior proxección exterior do seu traballo e o reforzo do ámbito formativo. Neste acto avanzáronse, asemade, as que serán as principais liñas de traballo da coreógrafa coruñesa á fronte desta unidade integrada na estrutura da Agadic (Axencia Galega das Industrias Culturais).
A COREÓGRAFA, BAILARINA E DIRECTORA FOI SELECCIONADA Á VISTA DA SÓLIDA FORMACIÓN E AMPLA EXPERIENCIA QUE ACREDITA, TRAS UNHA EXHAUSTIVA ANÁLISE DE TODOS ASPIRANTES
[05/08/2010] O Consello de Dirección da Agadic (Axencia Galega das Industrias Culturais) resolveu o nomeamento da coreógrafa e directora Mercedes Suárez como nova directora do Centro Coreográfico Galego (CCG). Na reunión, que se desenvolveu na sala de xuntas da Consellería de Cultura e Turismo baixo a presidencia do conselleiro, Roberto Varela, acordouse a designación de Mercedes Suárez á vista da sólida formación e ampla experiencia acreditadas por esta coreógrafa, bailarina e directora.
A AGADIC E O XACOBEO COLABORAN NESTE PROGRAMA DE DIFUSIÓN. O ESPECTÁCULO COMPLETO PODERÁ VERSE OS DÍAS 28 E 29 NO SALÓN TEATRO
[26/07/2010]
O Centro Coreográfico Galego (CCG) inicia en Santiago o ciclo "Camiños en danza", un novo programa de difusión da danza actual galega mediante a escenificación de accións e improvisacións coreográficas a partir do espectáculo Etheria, a viaxe soñada nun total de 17 concellos galegos. A Agadic (Axencia Galega das Industrias Culturais) e o Xacobeo 2010 colaboran nesta iniciativa que se desenvolverá ata setembro en emprazamentos ao aire libre e de tránsito público de localidades ubicadas nalgunha das rutas de peregrinación a Compostela.
A ACTUACIÓN SERÁ NA MEDIANOITE DO SÁBADO E DE ACCESO LIBRE PARA O PÚBLICO
[09/07/2010]
O Centro Coreográfico Galego (CCG) e o seu novo espectáculo Etheria, a viaxe soñada pecharán a vixésimo sétima edición da Mostra Internacional de Teatro Cómico Festivo de Cangas cunha representación que terá lugar na noite do sábado 10 de xullo (00:30 horas) na Praza das Pontes. De acceso libre para o público, será a primeira función da compañía sobre un escenario exterior, para o que se levará a cabo unha adaptación especial da montaxe aínda que mantendo aos 21 artistas en escena -entre bailaríns e músicos- que contempla o formato orixinal.
< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49
Facebook
