[27/07/2009]
A sede do Centro Coreográfico Galego na Coruña (Complexo Deportivo de Elviña) acollerá o vindeiro xoves 30 de xullo, ás 16.00 horas, unha mostra aberta ao público da peza de investigación coreográfica Kyra, realizada por Kirenia Martínez co apoio e produción do CCG. Trala presentación, abrirase un debate entre a artista e os asistentes.
AS BAILARINAS E BAILARÍNS DO CCG E AS PANDERETEIRAS DE XACARANDAINA INTERPRETAN ESTE TRABALLO, RESULTADO DA INVESTIGACIÓN COREOGRÁFICA DIRIXIDA POR ERICK JIMÉNEZ
[24/07/2009]
Os xardíns de Méndez Núñez da Coruña serán o escenario o vindeiro domingo 26 de xullo, a partir das 19.30 horas, da posta en escena da peza La 8, resultado da investigación que o bailarín e coreógrafo Erick Jiménez ideou e dirixiu para o Centro Coreográfico Galego. Trece bailarinas e bailaríns e as pandereteiras de Xacarandaina interpretan este traballo, que se exhibirá nas inmediacións do Kiosco Alfonso en colaboración co Concello da Coruña.
La 8 en YouTube.
[09/07/2009]
A bailarina e coreógrafa galega Mercé de Rande amosará mañá en Vigo diante doutros profesionais da danza o proxecto titulado Mar, Fento e Cemento , realizado como artista residente do Centro Coreográfico Galego (CCG). A presentación, que se desenvolverá na Sala Ensalle a partir das 18:00 horas, consistirá na exhibición do proceso creativo realizado e nun coloquio posterior entre a artista e o público asistente.
[03/07/2009]
Este sábado 4 de xullo dentro da programación do Festival Empape 2009 poderá verse a peza La 8, resultado dunha investigación coreográfica dirixida por Erick Jiménez e apoiada polo Centro Coreográfico Galego. A cita será ás 20.00 horas nos arredores da Torre de Hércules.
Pincha aquí para ver máis información.
[30/06/2009]
O bailarín e creador David Loira, artista en residencia do Centro Coreográfico Galego co proxecto Macho , amosará o xoves 2 de xullo diante do público o resultado do proceso creativo desta peza nunha sesión que se desenvolverá na nave industrial da Axencia Galega das Industrias Culturais (AGADIC) no compostelán Polígono de Costavella. Ao remate da mostra de Macho abrirase un coloquio entre o artista e os espectadores para debullar os distintos elementos desta proposta.
< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51
Facebook
