AGADIC

Centro Coreográfico Galego

Castelán | Inglés

Contacto | Mapa web | Subscrición



Noticias



Novas

ESTA É A PRIMEIRA DAS MOSTRAS PÚBLICAS DOS 14 PROXECTOS APOIADOS ESTE ANO POLO CCG E O CDG A TRAVÉS DO PROGRAMA ARTISTAS EN RESIDENCIA

Laura Lizcano presenta a peza "Assemblage" como resultado da súa residencia artística no CCG

[28/04/2009] A coreógrafa e bailarina Laura Lizcano, artista residente do Centro Coreográfico Galego (CCG) co proxecto Assemblage, ofrecerá o vindeiro xoves día 30 en Santiago o resultado deste proceso creativo no marco dun encontro aberto aos profesionais e público interesados que terá lugar a partir das 17.00 horas na nave da AGADIC (Polígono Costavella. Rúa Polonia, nº 30). Trala interpretación da peza, abrirase un coloquio entre os artistas e os espectadores para debullar os distintos elementos que dan forma a este traballo multidisciplinar.

Giseliña A PEZA VOLVE A GALICIA TRALA SÚA PRESENTACIÓN HOXE NO PRESTIXIOSO FESTIVAL "ZAKHAREF IN MOTION" DE AMÁN (XORDANIA)

O Centro Coreográfico Galego escenifica "Giseliña" os días 29 e 30 de abril no Teatro Principal de Ourense

Documento anexo [27/04/2009] O Teatro Principal de Ourense acollerá o mércores 29 e o xoves 30 de abril, ás 20.30 horas, senllas funcións da última proposta do Centro Coreográfico Galego (CCG), Giseliña, creada e dirixida polo coreógrafo catalán Cisco Aznar. A unidade de danza da Consellería de Cultura chegará a Ourense procedente de Xordania, onde hoxe presenta a súa nova produción no prestixioso festival de danza Zakharef in Motion que se está a celebrar en Amán e no que participa xunto a compañías de gran relevancia internacional, como Sidi Larbi Sherkaoui & Damien Jalet de Bélxica ou City Dance Ensemble de Washington.

A PEZA PRESENTARASE NO TEATRO AL HUSSEIN DE AMANN ÁS 19.30 H

O Centro Coreográfico Galego leva a Xordania Giseliña de Cisco Aznar

[27/04/2009] O Centro Coreográfico Galego (CCG) presenta hoxe ás 19.30 horas Giseliña no Teatro Al Hussein de Amann (Xordania). Esta función está dentro da programación do prestixioso festival de danza Zakharef in Motion, no que participan compañías de gran relevancia internacional como Sidi Larbi Sherkaoui & Damien Jalet de Bélxica ou City Dance Ensemble de Washington.

Giseliña O ESPAZO PONTEVEDRÉS ACOLLE HOXE E MAÑÁ CATRO TALLERES DE DANZA QUE TEÑEN COMO OBXECTIVO ACHEGAR AS ARTES DO MOVEMENTO Á CIDADANÍA

O Centro Coreográfico Galego presenta "Giseliña" o 24 de abril no Pazo da Cultura de Pontevedra

Documento anexo [22/04/2009] O Pazo da Cultura de Pontevedra ofrece o vindeiro venres 24 de abril, ás 21.00 horas, unha función da última proposta do Centro Coreográfico Galego (CCG), Giseliña, creada e dirixida polo coreógrafo catalán Cisco Aznar. As entradas poranse á venda no despacho de billetes do devandito espazo o mesmo día da representación, a partir das 19.00 horas, e de xeito anticipado, no teléfono 902 504 500 ou da web www.servinova.com.

REALIZARANSE O 22, 23 E 24 DE ABRIL DE 16.00 H A 19.00 H NA NAVE DA AGADIC

Ensaios abertos da residencia artística Assemblage

[21/04/2009] O público que o desexe poderá asistir aos ensaios abertos do proxecto Assemblage de Laura Lizcano, apoiado polo CCG (Centro Coreográfico Galego) a través do programa da AGADIC Artistas en Residencia os días 22, 23 e 24 de abril de 16.00 h a 19.00 h na nave da AGADIC (Rúa de Polonia nº 30. Polígono Costavella. Santiago de Compostela). Para asistir a esta actividade, e debido ao aforo limitado do espazo, débese solicitar asistencia a través do enderezo electrónico: documentacion.ccg@xunta.es, indicado o teu nome e número de teléfono.


< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

<< 2021 >>
<< decembro >>
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Accesibilidade | Aviso legal
Facebook

Marca gráfica da Xunta de GaliciaAGADIC. Instituto galego das artes escénicas e musicais