AGADIC

Centro Coreográfico Galego

Castelán | Inglés

Contacto | Mapa web | Subscrición



Noticias



Novas

ccg ESTRÉASE O 9 DE SETEMBRO NO TEATRO COLÓN DA CORUÑA

Trinta bailaríns e bailarinas participan mañá nas audicións para 'As catro estacións'

Documento anexo [09/06/2016] Un total de 30 bailaríns e bailarinas participarán mañá na Coruña nas audicións convocadas pola Axencia Galega das Industrias culturais (Agadic) para seleccionar o corpo de baile de oito intérpretes que porá en escena ‘As catro estacións’, a nova produción que o Centro Coreográfico Galego (CCG) estreará o 9 de setembro na Coruña.

Presentación de Son, de Nova Galega de Danza en coprodución coa Agadic A AXENCIA GALEGA DAS INDUSTRIAS CULTURAIS APOIA O ESPECTÁCULO A TRAVÉS DO CENTRO COREOGRÁFICO GALEGO

Nova Galega de Danza e Agadic estrean este venres no Teatro Rosalía Castro da Coruña a coprodución 'Son'

Documento anexo [25/05/2016] A compañía Nova Galega de Danza presentou hoxe na Coruña a estrea do espectáculo ‘Son’, coproducido xunto á Axencia Galega das Industrias Culturais (Agadic) a través do Centro Coreográfico Galego, que ofrecerá a súa primeira función este venres 27, ás 20.30 horas, no Teatro Rosalía Castro. Un corpo de baile integramente masculino pon en escena esta proposta, construída a partir dunha decena de pezas nas que a danza tradicional galega convive coa española, a contemporánea e o flamenco.

Momento dunhas audicións anteriores no CCG PRODUCIRÁ O ESPECTÁCULO NA ACTUAL TEMPORADA DE 2016

O Centro Coreográfico Galego seleccionará oito bailaríns e bailarinas para montar o ballet 'As catro estacións'

Documento anexo [11/04/2016] A Axencia Galega das Industrias Culturais (Agadic) da Consellería de Cultura, Educación e Ordenación Universitaria publicou hoxe as bases que rexerán o proceso para a selección dos oito bailaríns e bailarinas que formarán o corpo de baile do ballet ‘As catro estacións’, a próxima produción que levará a cabo o Centro Coreográfico Galego a partir da obra de Antonio Vivaldi.

Imaxe de 'Don Quixote' (Fotografía: Manuel Lemos) ESTÁN PROGRAMADAS FUNCIÓNS PARA ESCOLARES E PARA PÚBLICO XERAL

O Centro Coreográfico colabora coa Sinfónica de Galicia e con BalletNorte na montaxe de 'Don Quixote' con estudantes de danza

[07/04/2016] O Centro Coreográfico Galego (CCG) colabora coa Orquestra Sinfónica de Galicia (OSG) e coa compañía galega BalletNorte para a posta en escena durante esta semana na Coruña do ballet ‘Don Quixote’ coa participación de alumnos e alumnas de cinco centros galegos de ensino de danza. O Pazo da Ópera acollerá mañá venres día 8 (20.00 horas) e o sábado 9 (18.00 h) dúas representacións para público xeral da versión desta obra coreográfica de Marius Petipa con música de Ludwig Minkus, baseada no capítulo décimo noveno do segundo libro de ‘El ingenioso hidalgo Don Quijote de La Mancha’, de Miguel de Cervantes. As localidades para asistir ao espectáculo están á venda en liña en entradas.abanca.es cos prezos de 5 euros para adultos e de 3 euros para rapaces.

Marta García e Orlando Salgado. Foto: Belén Vázquez ESGOTÁRONSE TODAS AS PRAZAS OFERTADAS

Unha trintena de alumnos participan no curso de danza clásica e repertorio de 'Don Quixote' impartido por Marta García e Orlando Salgado

[21/03/2016] Os mestres cubanos Marta García e Orlando Salgado imparten desde hoxe na sede do Centro Coreográfico Galego (CCG) na Coruña un curso de danza clásica e repertorio do ballet ‘Don Quixote’, ao que asiste unha trintena de alumnos e para o que se esgotaron todas as prazas ofertadas.


< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

<< 2019 >>
<< agosto >>
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Accesibilidade | Aviso legal
Facebook

Marca gráfica da Xunta de GaliciaAGADIC. Instituto galego das artes escénicas e musicais