AGADIC

Centro Coreográfico Galego

Castelán | Inglés

Contacto | Mapa web | Subscrición



Noticias



Novas

O CCG e o Mercat de les Flors organizan na Illa de San Simón o Mov-s Galicia 08

[15/05/2008] Do 15 ao 18 de xuño de 2008 terá lugar na Illa de San Simon (Ria de Vigo) o Mov-s Galicia 2008, unha colaboración entre o Centro Coreográfico Galego e o Mercat de les Flors. O tema que se propón para esta edición e arredor do que xirarán as diferentes actividades é: ‘As condicións para a creación coreográfica’.

Se queres inscribirte podes facelo a través da web:
www.mov-s.org
Para unha información máis detallada pincha aquí.

Kiosco das almas perdidas ESTE TALLER ESTARÁ EN RIVADABIA O 22 E O 23 DE XULLO

O Centro Coreográfico Galego achega a danza á cidadanía a través dun programa de formación para públicos

[12/05/2008] O Centro Coreográfico Galego está levando a cabo, de xeito paralelo á xira da súa última produción ‘Kiosco das almas perdidas’, unha serie de accións formativas encamiñadas a achegar a danza contemporánea ao público, en concreto as linguaxes escénicas presentes en ‘Kiosco das almas perdidas’.

Imaxe 'Kiosco... A ÚLTIMA PRODUCIÓN DO CCG FAI UNHA FUNCIÓN NO ÁREA PANORÁMICA

A peza 'Kiosco das almas perdidas' chega a Tui desde Sevilla

Documento anexo [29/04/2008] Tralo seu exitoso paso polo Teatro Central de Sevilla, a última produción do Centro Coreográfico Galego (CCG), Kiosco das almas perdidas, chega a Tui. Esta peza, dirixida polo coreógrafo catalán Roberto Oliván e con música en directo de Mercedes Peón, estará no Teatro Municipal Área Panorámica o mércores 30 de abril ás 21.00 horas. Despois continuará unha xira por toda a xeografía galega e por espazos das artes escénicas tan relevantes coma o Mercat de les Flors de Barcelona, dentro da programación do Festival Grec.

figurinos de 'Vacuo' TRÁTASE DUNHA PUBLICACIÓN EMINENTEMENTE GRÁFICA, QUE CONTÉN ANOTACIÓNS MANUSCRITAS DE MARUXA SALAS E IMAXES CLAVE DA PREPARACIÓN DO ESPECTÁCULO

O CCG inaugura a colección "Bitácora" co caderno de dirección de "Vacuo"

Documento anexo [23/04/2008] O Centro Coreográfico Galego (CCG) publicou o primeiro número da colección Bitácora, un proxecto editorial no que pretende plasmar os procesos de produción dos seus espectáculos. A primeira entrega desta nova serie leva por título Vacuo e fai referencia á que fora montaxe inaugural do CCG en 2007. A modo dun caderno de dirección, recóllese material, eminentemente gráfico, ao través do que se poden seguir os momentos clave do deseño e dos ensaios da peza.

Kiosco das almas perdidas O CENTRO COREOGRÁFICO GALEGO REPRESENTA A PEZA QUE DIRIXE ROBERTO OLIVÁN, CON MÚSICA EN DIRECTO DE MERCEDES PEÓN, O SÁBADO 5 NO AUDITORIO MUNICIPAL

Continúa a xira de 'Kiosco das almas perdidas' cunha función en Narón

Documento anexo [03/04/2008] Trala exitosa acollida que tivo en Santiago, a última produción do Centro Coreográfico Galego (CCG), Kiosco das almas perdidas, chega ao Auditorio Municipal de Narón. Esta peza, dirixida polo coreógrafo catalán Roberto Oliván e con música en directo de Mercedes Peón, estará no teatro naronés o sábado 5 ás 20.00 horas. Despois continuará a súa xira por toda a xeografía galega e por espazos das artes escénicas tan relevantes coma o Teatro Central de Sevilla ou o Mercat de les Flors de Barcelona, dentro da programación do Festival Grec.


< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

<< 2018 >>
<< decembro >>
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Accesibilidade | Aviso legal
Facebook

Marca gráfica da Xunta de GaliciaAGADIC. Instituto galego das artes escénicas e musicais