O CENTRO CULTURAL CAIXANOVA ACOLLE OS DÍAS 7 e 8 DE MARZO SENLLAS FUNCIÓNS DA PEZA QUE DIRIXE ROBERTO OLIVÁN E CONTA CON MÚSICA EN DIRECTO DE MERCEDES PEÓN
[05/03/2008]
Trala súa estrea na Coruña, a última produción do Centro Coreográfico Galego (CCG), Kiosco das almas perdidas, chega ao Centro Cultural Caixanova de Vigo, cidade onde se sitúa o local que inspirou ao seu creador, Roberto Oliván. Esta peza, dirixida polo coreógrafo catalán e con música en directo de Mercedes Peón, representarase no teatro vigués o venres 7 e o sábado 8 de marzo ás 20.30 horas.
ONCE BAILARÍNS E BAILARINAS POÑEN EN ESCENA ESTE TRABALLO INTERDISCIPLINAR, QUE MESTURA DANZA, ILUSIONISMO, TEATRO, MÚSICA EN DIRECTO, VÍDEO E ANIMACIÓN
[26/02/2008]
O Centro Coreográfico Galego (CCG) estrea o vindeiro venres 29 de febreiro ás 21.30 horas no Teatro Rosalía Castro da Coruña a súa produción Kiosco das almas perdidas, unha montaxe dirixida polo coreógrafo catalán Roberto Oliván con música en directo de Mercedes Peón. A peza permanecerá no teatro coruñés o sábado 1 e o domingo 2 de marzo. Despois emprenderá unha xira por toda a xeografía galega e por espazos das artes escénicas tan relevantes coma o Teatro Central de Sevilla, Laboral Escena de Xixón ou o Mercat de les Flors de Barcelona, dentro da programación do Festival Grec.
A PRIMEIRA COPRODUCIÓN DA TEMPORADA DO CENTRO COREOGRÁFICO GALEGO PODE VERSE O SÁBADO 26, ÁS 20.30 H, E O DOMINGO 27, ÁS 18.00
[24/01/2008]
A Compañía Daniel Abreu, en coprodución co Centro Coreográfico Galego (CCG), presenta os vindeiros sábado 26 ás 20.30 horas e domingo 27 ás 18.00 horas o espectáculo Negro, primeira proposta do plan de coproducións do CCG para a actual temporada escénica. Trátase dun traballo intimista dirixido polo coreógrafo canario e interpretado por el mesmo xunto a tres bailarinas galegas, baseado no corpo como único instrumento e na poética que se pode atopar nos xestos e nos obxectos máis cotiáns.
ABREU DIRIXE ESTE TRABALLO INTIMISTA BASEADO NO CORPO, QUE INTERPRETA XUNTO A ANDREA QUINTANA, JANET NOVAS E ANUSKA ALONSO
[16/01/2008]
O Centro Coreográfico Galego (CCG) e a compañía Daniel Abreu estrean o vindeiro venres 18 ás 22.00 horas no Teatro Ensalle de Vigo o espectáculo Negro, primeira proposta do plan de coproducións do CCG para actual temporada, na que se presenta un traballo intimista dirixido polo coreógrafo canario e interpretado por el mesmo xunto a tres bailarinas galegas. A peza, que permanecerá na sala viguesa toda a fin de semana, exhibirase tamén no Salón Teatro de Santiago de Compostela os próximos 26 e 27 de xaneiro.
[15/01/2008]
A catalá Ángels Margarit, fundadora da compañía de danza Mudances, ofreceu o pasado venres 11 de xaneiro unha clase maxistral na escola Espacio Aberto de Santiago de Compostela. A esta clase asistiron un total de once profesionais galegos, que pudieron achegarse á linguaxe e á forma de traballar desta profesional de renome internacional.
< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51
Facebook
