AGADIC

Centro Coreográfico Galego

Castelán | Inglés

Contacto | Mapa web | Subscrición



Noticias



Novas

Íker Gómez PARTICIPARÁ UN ALUMNADO COMPOSTO POR 15 BAILARÍNS, BAILARINAS, DOCENTES E ESTUDANTES DE NIVEL MEDIO-ALTO

O creador Íker Gómez abre este luns o programa formativo para o mes de xullo do Centro Coreográfico Galego

[26/06/2015] O coreógrafo e videocreador Íker Gómez impartirá na Coruña, a partir deste luns 29 de xuño e ata o venres día 3, un obradoiro de danza contemporánea e composición coreográfica, co que o Centro Coreográfico Galego (CCG) abrirá o seu programa formativo para o mes de xullo. Un alumnado composto por 15 bailaríns e bailarinas, mestres de danza e estudantes de nivel medio-alto participará nesta primeira actividade pedagóxica organizada pola unidade de danza da Consellería de Cultura, Educación e Ordenación Universitaria dentro do plan de formación continua que desenvolve ao longo de todo o ano para contribuír ao perfeccionamento académico e práctico dos profesionais galegos.

Ensaios de 'Atlántica' JUAN MIGUEL HERNÁNDEZ DIRIXE UN ELENCO DE 10 BAILARÍNS E BAILARINAS A PARTIR DA MÚSICA DE ISMAEL BERDEI

BalletNorte en coprodución co Centro Coreográfico Galego presenta 'Atlántica' este domingo no Auditorio Municipal de Oleiros

[05/06/2015] A compañía coruñesa de danza BalletNorte, baixo a dirección do coreógrafo Juan Miguel Hernández, presenta diante do público este domingo día 7 de xuño, ás 20:30 horas, no Auditorio Municipal Gabriel García Márquez de Mera (Oleiros) o espectáculo ‘Atlántica’, realizado en coprodución co Centro Coreográfico Galego.

Aniruddhan Vasudevan DANZA BHARATANATYAM NA SEDE DO CCG NA CORUÑA DO 4 AO 7 DE XUÑO

O CCG e a ONG Implicadas no Desenvolvemento organizan un curso co bailarín indio Aniruddhan Vasudevan

Documento anexo [02/06/2015] O bailarín de Chennai (India) Aniruddhan Vasudevan ofrecerá do 4 ao 7 de xuño na Coruña un curso de Bharatanatyam, danza clásica do sur da India, que impartirá na sede do Centro Coreográfico Galego (CCG) como parte da súa visita a Galicia convidado pola ONG Implicadas no Desenvolvemento. O obradoiro completarase co espectáculo que o intérprete támil ofrecerá o domingo, ás 20.00 horas, no Centro Ágora e durante o que compartirá escenario co seu alumnado para exhibir a peza creada durante estes catro días de traballo conxunto.

Cursos de verán do CCG CON ÍKER GÓMEZ, ÁNGEL RODRÍGUEZ, JORDI VILASECA, ANTONELLA SAMPIERI, GONZALO ZARAGOZA E VIRGINIA VALERO

O Centro Coreográfico Galego oferta seis cursos intensivos de verán de danza contemporánea, clásica e neoclásica durante o mes de xullo

Documento anexo [25/05/2015] O Centro Coreográfico Galego (CCG) abre o prazo de inscrición para os seis obradoiros intensivos de danza contemporánea, clásica e neoclásica que organiza na súa sede da Coruña para o próximo mes de xullo. Profesionais da traxectoria de Íker Gómez, Ángel Rodríguez, Jordi Vilaseca, Antonella Sampieri, Gonzalo Zaragoza e Virginia Valero serán os docentes desta nova convocatoria de cursos de verán.

Lázaro Carreño no Centro Coreográfico Galego

Unha vintena de alumnos perfeccionan a súa técnica de danza clásica co mestre cubano Lázaro Carreño

Documento anexo [04/05/2015] O mestre cubano Lázaro Carreño imparte desde hoxe na sede do Centro Coreográfico Galego (CCG) na Coruña un novo curso intensivo de técnica clásica, no que participa ata finais de maio unha vintena de alumnos e alumnas de toda Galicia, entre os que se atopan profesionais e profesorado de danza, así como estudantes de nivel medio-alto.


< Anteriores 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

<< 2019 >>
<< xuño >>
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Accesibilidade | Aviso legal
Facebook

Marca gráfica da Xunta de GaliciaAGADIC. Instituto galego das artes escénicas e musicais